ઈદી @ સાપુતારા

સૌ મિત્રોને “ઈદ મુબારક”

ઈદનાં મુબારક પર્વ નિમિત્તે રુબરુ, ફોન અને મેઇલ દ્વારા મુબારકબાદ આપનાર સર્વે સ્નેહીજનો, વડીલો, મિત્રોનો તયેદિલથી શુક્રિયા.

આપ સૌને જ્ઞાત હશે જ કે આપણાં કોઈપણ મુબારક, પવિત્ર તહેવાર નિમિત્તે ઘરનાં મોટાઓ નાનાઓને (ખાસ તો બાળકોને) દૂઆઓ, આશિષ તો આપે જ સાથે કંઈને કંઈ ભેટ-સોગાદ પણ આપે. પછી તે રોકડ, ખાણીપીણી, વસ્ત્રાલંકાર કે પછી ક્યાંક હરવા-ફરવા જવાનાં નિમિતમાં પણ હોય. આપણે દિવાળી કે નવાવર્ષ નિમિત્તે કુટુંબ-બાળકોને કંઈને કંઈ ખુશાલી કરાવીએ જ છીએ (એ તો જેવી જેની સગવડ). અમારે ઈદની ખુશાલીને ’ઈદી’ કહે છે. તો આ વરસે ઈદના બીજે દહાડે, એટલે કે વાસીઈદનાં દહાડે બીબી-બચ્ચાઓને ઈદીમાં સાપુતારાની સેર કરાવી. આપ પણ અમારા અઝીઝ છો, દિલની કરીબ છો, તો આપને ઈદી આપવાની અમારી ફરજ તો ખરી ને ? નાનાઓ આને ઈદી સમજે અને વડીલો હરખ સમજે પણ આ પ્રવાસની ખુશહાલ ક્ષણો, કૅમેરાની આંખે, આપની સાથે વહેંચુ છું તે ઈદની શુભેચ્છા સમજી કબૂલ ફરમાવજો.

ચલો સાપુતારા…

MBBS અને હા સાથે ’બહાઉદ્દિન’ તો ખરા જ !
બહાઉદ્દિનજી એ અમારા જૂનાણાં નવાબનાં સાલે સાહબ હતા ! બહુ માનપાન પામેલા. તેમના નામે આજે પણ ’બહાઉદ્દિન કોલેજ’ છે. બસ, ત્યારથી જૂનાણામાં સાલે સાહબને માનથી ’બહાઉદ્દિન’ બોલાવવામાં આવે છે !!! :- નાના ટેણીને કેમેરા ની ક્લિક કરવાનો શોખ એટલે એ સામેલ ન હોય ને !)

વરસતા વરસાદમાં જ્યાં કુદરત સોળે કલાએ ખીલી હોય એ વર્ણન કરવા શબ્દો ટુંકા પડે મારીતો કોઇ ઓકાતજ નથી. થોડી પંકતિઓ યાદ આવી જાય છે.

રેઇનકોટ, છત્રીઓ, ગમશૂઝ, વોટરપ્રુફ હેટ્સ , માનવીએ કેટલી ભીંતો ચણી દીધી વરસાદમાં ! – શ્રી. આદિલ મન્સુરી

ભીંજાવામાં નડતર જેવું લાગે છે , શરીર સુધ્ધાં બખ્તર જેવું લાગે છે ;

મને કાનમાં કહ્યું પુરાણી છત્રીએ ,   આજે અવસર જેવું લાગે છે ! – શ્રી. ઉદયન ઠક્કર

મને ભીંજવે તું , તને વરસાદ ભીંજવે  — શ્રી. રમેશ પારેખ

અને હવે આમ નીચે લંબાવવા કરતાં સીધો સ્લાઈડ શૉ જ કરી નાંખીએ તો ?! લ્યો !

This slideshow requires JavaScript.