ફોટો સ્ટોરી-ભજીયાપાર્ટી
મિત્રો,
અમારા અશોકભાઈ (વાંચનયાત્રા)એ ઘણી વખત ભજીયાપાર્ટીની વાર્તાઓ તો આપને સંભળાવી છે (જો કે એ મારવાડીએ કદી આમંત્રણ નહીં જ આપ્યું હોય 🙂 ) હમણાં ચાની કથા પણ કરીને બેઠા હતા ! તો મને થયું ચાલો નાસ્તાનો પ્રબંધ હું કરી નાંખું ! તો ગત તા: ૧૫/૧૦/૨૦૧૧નાં શોર્ટનોટીસે જુનાગઢ પહોંચ્યો અને રાત્રે અશોકભાઈ અને મિત્રો સાથે ભજીયાપાર્ટીનો આનંદ માણ્યો. બહુ બધા સંસ્મરણો તાજા થયા, આગળ વાત કરીશું પણ ચિત્રોના સથવારે. તો પધારો અમારી આ ભજીયાપાર્ટીમાં, આપનું સ્વાગત છે.
તો મિત્રો, મજા બહુ કીધી પણ આમ અચાનક મજા કરવાનું કારણ મજેદાર નહોતું ! એક પ્રશ્ન અમારા મામુએ મોં પર બાંધેલી બુકાની જોઈને થયો હશે ! પણ કહ્યું છે ને, ’જો દીખતા હૈ વહ સચ હી નહીં હોતા’. હું રાતોરાત વાપીથી ભાગ્યો, અમારા વજુબાપા સુરતથી ભાગ્યા, અન્ય સૌ મિત્રો કામધંધા પડતા મુકી તાબડતોબ પહોંચ્યા, માત્ર સો-બસો ગ્રામ ભજીયાનો સ્વાદ લેવા ? ના….ના… !!! આ કંઈ ખાવાનો ખેલ ન હતો ! એક મિત્રની મનોકામના, કોઈપણ ભોગે પૂર્ણ કરવાનો પ્રયાસ હતો. અને એ અમારા જાનેજિગર, જાનેબહાર મિત્ર એટલે ટોપી પહેરી, મોં એ બુકાની વાળી બેઠેલા મામું. છ વર્ષથી કૅન્સર સામે ભાયડાવટથી લડ્યા છે, હવે દાક્તરોએ હથિયાર હેઠાં મુકી દીધા. પણ અમારા મામુએ મામુ જ છે ! (અમસ્તું અમે તેમનું નામ “મામુ” રાખ્યું હશે !) કહે છે ને “જિંદગી જીંદાદીલી કા નામ હૈ, મૂર્દાદીલ ક્યા ખાક જીયા કરતે હૈ |”
મામુએ ઈચ્છા દર્શાવી કે, હું તો હવે પરવારી ઉતર્યો પણ આપણી ભજીયાપાર્ટીનાં એ મુળ મિત્રોને એક વખત પાર્ટીમાં, એજ મજાથી, મહાલતાં જોવા છે ! ફીર મૂલાકાત હો ના હો. (આમ તો હવે વાર-તહેવારે પાર્ટી રાખીએ એટલે ૩૫-૪૦ મિત્રો એકઠ્ઠા મળે, પણ આ આટલા મુળ, ફાઉન્ડર મેમ્બર્સ !) અને અમે ફરી એ જ માહોલ ખડો કર્યો, જેનો શેઢો લાંઘીને પંદર પંદર વર્ષ સુધી જગતનાં કોઈ દુઃખ, કોઈ ચિંતાએ પ્રવેશવાની હિંમત નહોતી કરી ! મિત્રના દુઃખે દુઃખી થવાનું આવે તો એ મિત્રધર્મ છે, આ મિત્રએ તો અમને ખુશાલી કરવાનું સૂચવ્યું ! કેમ મના કરવી ?! જો કે કામ અઘરું હતું પરંતુ અમે બધાં અમસ્તા જન્મજાત ’કલાકારો’ કહેવાયા હશું ?! જો આપને પણ ચિત્રોમાં હાસ્ય પાછળ છૂપાયેલું દર્દ ના દેખાયું હોય તો સમજો કે મામુ સામે અમે અમારી કલા પેશ કરવામાં સફળ રહ્યા !!!!! અમારા મામુજાનની હિંમત બની રહે તે માટે દુઆ, પ્રાર્થના કરવા સીવાય વધુ તો હું મિત્રોને શું આગ્રહ કરું ?
ઘાયલ સાહેબની ગઝલનાં ચંદ શેર યાદ આવે છે, શુક્રિયાકે સાથ પેશે ખિદ્મત હૈ, ગૌર ફરમાઈએ.
’અમુક વાતો હૃદયની બા’ર હું લાવી નથી શકતો,
કઈં અશ્રુઓ એવા છે કે ટપકાવી નથી શકતો.
કળી ઉરની હું વિકસાવી કે કરમાવી નથી શકતો,
જીવન પામી નથી શકતો, મરણ લાવી નથી શકતો.
ન જાણે સાનમાં શી વાત સમજાવી ગયુ કોઈ,
હું સમજુ છું છતા શબ્દોમાં સમજાવી નથી શકતો.
ન રડવાની કસમ ઉપર કસમ એ જાય છે આપ્યે,
ઊમટતા જાય છે અશ્રુ, હું અટકાવી નથી શકતો.’ — (અમૃત ઘાયલ)
અને હા, સૌ મિત્રોને દિપાવલી અને નવવર્ષની હાર્દિક શુભકામનાઓ. (Show Must Go On)
ક્યા બાત હૈ ! ’મૂર્દાદીલ ક્યા ખાક જીયા કરતે હૈ’
લાગે છે આપણાં દિલ બહુ મોટા છે, હાર્ટઍટેક આવવાની સંભાવનાઓ વધારે ! બ્રેઈન હેમરેજની સંભાવનાં નહિવત !! (બ્રેઈન ? એ વળી ક્યાં આવેલું હોય ?!)
ભાભીશ્રીને આ વાસણ સફાઈનો ફોટો ખાસ બતાવજે ! (પાસપડોશમાં પણ બતાવજે !!) ભલું હશે તો તને ઘરઘાટીની કાયમી નોકરી મળી રહેશે 🙂
બાકી હું તો વધારે શું લખું, મામો હિંમત ટકાવી રાખે તેવી દિલથી પ્રાર્થના. આભાર.
અશોક મોઢવાડીયા
23/10/2011 at 7:43 પી એમ(pm)
[…] અશોક”જી”, હું, જેતાકાકા, શાસ્ત્રીજી. ભજીયાનીં રાહમાં !! Read More…… […]
મારા પ્રતિભાવો – ફોટો સ્ટોરી-ભજીયાપાર્ટી (via શકિલ મુન્શીનો બ્લોગ) | વાંચનયાત્રા
23/10/2011 at 7:56 પી એમ(pm)
તમે બધા ભજીયા ખાઓ અને અમને આમ તલસાવો, એ ઠીક નહીં. અહીં અમેરિકામાં બેઠે આવી મજો કરાનારાની ઈર્ષ્યામાં અમને પાડવાનું પાપ તમને નડશે !
એનું નિવારણ ( બામણ મુઓ છું ને ! ) ….
ઈ-ભજીયા મોકેલી દ્યો !!
સુરેશ
23/10/2011 at 8:02 પી એમ(pm)
ધન્યવાદ સુરેશભાઈ,
’ઈ-ભજીયા’ !! વાહ, હવે પછી અમે ’ઈ-ભજીયા પાર્ટી’ જ રાખીશું 🙂 અને પાપ નિવારણ અર્થે આપને સૌ પ્રથમ ઈ-ભજીયા મોકલાવશું દાદા.
દિવાળી અને નવાવર્ષનાં સાલમુબારક.
SHAKIL MUNSHI
26/10/2011 at 2:48 પી એમ(pm)
ખોબો ભરીને અમે એટલું હસ્યાં કે કૂવો ભરીને અમે રોઈ પડ્યાં….
Dipak Dholakia
23/10/2011 at 8:08 પી એમ(pm)
ધન્યવાદ દિપકભાઈ.
ઈરાદો માત્ર મજા કરાવવાનો જ હતો પણ…દિલ હૈ કિ માનતા નહીં !
શુભ દિવાળી અને નવાવર્ષનાં સાલમુબારક.
SHAKIL MUNSHI
26/10/2011 at 2:50 પી એમ(pm)
તુમ ઇતના જો મુસ્કુરા રહે હો?
ક્યાં ગમ હૈ જો છુપા રહે હો.
Bhupendrasinh Raol
24/10/2011 at 12:06 એ એમ (am)
ક્યા બ્બાત હૈ ! જગન્નાથજીનો એક શેર યાદ આવ્યો,
’જીંદગીભર ફક્ત સૂક્કી જોઈ છે,
એ સુતો છે ઓઢીનેં લીલું કફન.’
ધન્યવાદ ગુરુજી. આપને અને પરિવારના સૌને શુભદિવાળી અને સાલમુબારક.
SHAKIL MUNSHI
26/10/2011 at 2:55 પી એમ(pm)
શકીલભાઇ,
ખૂબ જ સરસ ભજીયાપાર્ટી-ફોટોસ્ટોરી. આપની ભજીયાપાર્ટી માણવાનો આનંદ આવ્યો.
પરંતુ અંતે, અચાનક મજા માણવાનું કારણ મજેદાર નહોતું તે જાણી દીલમાં એક દર્દ પેદા કરી ગયું.
આપના મામુજાનની હિંમત અને સાથે આપ સૌની હિંમત બની રહે તેવી પ્રાર્થના…
Mita Bhojak
24/10/2011 at 1:05 એ એમ (am)
ધન્યવાદ મિતાબેન.
જિંદગી છે,
કભી ખુશી કભી ગમ,
(પણ) ના હારે હૈ, ના હારેંગે હમ !
આપ સૌ સમા મિત્રો, વડિલો, સ્નેહીજનોનો સથવારો હોય પછી શું જોઈએ.
દિવાળી અને નવાવર્ષની શુભકામનાઓ. સાલમુબારક.
SHAKIL MUNSHI
26/10/2011 at 2:58 પી એમ(pm)
આમ ઈ-મોશનલ ભજીયાચાર ના કરો શકીલ જનાબ…..એની વાતો કરતા ‘વા’ તો અમને પણ આવી જાય છે…
મુર્તઝા પટેલ- નેટ પર વેપાર!
24/10/2011 at 3:23 એ એમ (am)
શુક્રિયા મુર્તઝાભાઈ,
’ઈ-મોશનલ ભજીયાચાર’ !!! વાહ, ક્યા બ્બાત હૈ. મજાનો શબ્દ લાવ્યા. બની શકે કે આ નામનો એક રિયાલીટી શૉ થઈ જાય 🙂
સાલમુબારક.
SHAKIL MUNSHI
26/10/2011 at 3:02 પી એમ(pm)
ઓહ!! ધબકતાં દિલવાળાઓ જ આવી મહેફિલ ગોઠવી શકે.
શકિલભાઈ, ધન્યવાદ.
યશવંત ઠક્કર
24/10/2011 at 10:00 એ એમ (am)
ધન્યવાદ યશવંતભાઈ,
ઈન્સાલ્લાહ આપ સમા બડે દિલવાલાઓના સંગમાં પણ ક્યારેક જશ્ન માણવાનો મોકો મળે એટલી ખ્વાહિશ રહેશે. શુભ દિવાળી અને નવાવર્ષનાં સાલમુબારક.
SHAKIL MUNSHI
26/10/2011 at 3:06 પી એમ(pm)
શકિલભાઇ,
આ ભજીયાની પાર્ટીમાં બહુ જલસો કર્યો લાગે છે…
નટખટ સોહમ રાવલ
24/10/2011 at 10:36 એ એમ (am)
ધન્યવાદ સોહમભાઈ,
સાલમુબારક.
SHAKIL MUNSHI
26/10/2011 at 3:08 પી એમ(pm)
આદરણીય શ્રી
આપને તેમજ આપના પરિવારજનોને દીપાવલીના પર્વની શુભ કામના અને નુતન વર્ષાભિનંદન.
નવું વર્ષ આપની આશા ઉમંગોને પરિપૂર્ણ કરી અનેરી સિધ્ધિઓ અર્પી સફળતાના શિખરો સર કરાવી
દ્રઢ મનોબળ સુખ સંપતિ અને તંદુરસ્ત આરોગ્ય બક્ષે એવી અપેક્ષા
પરાર્થે સમર્પણ
25/10/2011 at 11:09 એ એમ (am)
આદરણીય ગોવિંદભાઈ, ધન્યવાદ.
આપને પણ દિવાળી અને નુતન વર્ષનાં હાર્દિક શુભકામના.
SHAKIL MUNSHI
26/10/2011 at 3:10 પી એમ(pm)
શ્રી શકીલભાઇ,
ભજીયા પાર્ટીનાં ફોટા જોયા અને અમે પાર્ટીમાં મોડા પડ્યા ખેર વાંધો નહિ
ભારત ભ્રમણમાં સાટું વળી લઈશું. ફોટા જોઈ ઘણો આનંદ થયો .
મામુ માટે મિત્રોની પ્રેમભાવની પરાકાષ્ઠા જાણી મિત્રતા માટે અનહદ ભાવ
ઉપજ્યો. મિત્ર માટે લાગણી પ્રેમ અને ભાવના ભજીયા ઉતમ છે. દુઃખમાં
ભાગીદારી સાચા લાગણીવશ મિત્રો જ કરી શકે.
મામુ માટે એમને પ્રભુ સુંદર આરોગ્ય બક્ષી રોગમુક્ત કરે તેવી પ્રાર્થના.
આશોક્જી આપ અને શુક્લાજી તમામ મિત્રોને ખુબ આભિનંદન .
પરાર્થે સમર્પણ
26/10/2011 at 12:57 એ એમ (am)
મીત્રો, ઉપરની પોસ્ટમાં બાપુ રાઓલે પણ લાઈક કર્યું છે અને કોમેન્ટ લખી છે.
આ બાપુએ એક વખત કયાંક લખેલ કે માઈન્ડ સેટીંગ.
બરોબર કોમેન્ટ જુઓ. એક લખ્યું પણ છે કે આ માઈન્ડ ક્યાં આવ્યું?
આપ સૌ એ ભજીયા પાર્ટી જમાવી. બધાએ ફોટાઓ અને નીચેની કોમેન્ટ પણ વાંચી.
સૌ મિત્રો કામધંધા પડતા મુકી તાબડતોબ પહોંચ્યા, માત્ર સો-બસો ગ્રામ ભજીયાનો સ્વાદ લેવા. અહીં આમ તો ? ચીહ્ન છે પણ મેં . પુર્ણ વીરામ મુકેલ છે.
આ માઈન્ડ સેટીંગ જબરું હોય છે અને ધ્યાન રાખજો પાર્ટી બધાને આપવી પડશે અને તે પણ સાલો સાલ….. આ નેટ ઉપર…..
vkvora2001
26/10/2011 at 2:02 એ એમ (am)
ધન્યવાદ સાહેબ.
આપીશું આપીશું સાહેબ, ઈન્સાલ્લાહ, નેટ ઉપર શું, ખરેખરી પાર્ટી જ આપીશું. ભજીયા સાથે જલેબી પણ રાખીશું ! સાલમુબારક.
SHAKIL MUNSHI
26/10/2011 at 3:17 પી એમ(pm)
શ્રી શકીલભાઇ
બસ ૨૦૬૮નું વર્ષ આપને અને સમગ્ર કુટુંબીજનો અને મિત્ર મંડળને પણ વિશેષ
લાભદાયી અને હર્ષના હિલ્લોળા ફરકાવતું વીતે તેમજ સર્વ પ્રવૃતિઓ અને વેપાર વણજ
ક્ષેત્રે હિમાલય સરકી ઉચાઈને આબે તેવી પ્રાર્થના સાથે ખોબલો ભરીને વર્ષાભિનંદન
પરાર્થે સમર્પણ
27/10/2011 at 12:53 એ એમ (am)
આભાર, ગોવિંદભાઇ. આપને પણ વર્ષાભિનંદન
SHAKIL MUNSHI
05/11/2011 at 6:41 પી એમ(pm)
આ ભજીયા પાર્ટીમાં આવ્યા પછી થોડીક પાર્ટીઓમાં હાજરી આપી પણ મારી હાલત તો પેલા નોળીયા જેવી છે.
VKVora, Atheist, Rationalist
02/11/2011 at 7:50 એ એમ (am)
અમારા અહોભાગ્ય સાહેબ,
કહે છે ને ’પ્યાર કીયા નહીં જાતા, હો જાતા હૈ !’ આવી બીજી પાર્ટી તો યોજાય ત્યારે ખરી !
SHAKIL MUNSHI
05/11/2011 at 6:49 પી એમ(pm)
શ્રી શકીલભાઇ
મારે પણ આટલી જોરદાર ભજીયા પાર્ટી કરવી હતી
પણ શું થાય સાહેબ, કેટલા સરસ ….?
ડૉ. કિશોરભાઈ એમ.પટેલ
03/11/2011 at 11:46 પી એમ(pm)
આભાર, ડૉ.સાહેબ.
SHAKIL MUNSHI
05/11/2011 at 6:50 પી એમ(pm)
મિત્રોની મહેફિલ જોઈ કોને આનન્દ ન થાય, મહત્વ ભજિયા નુ નથી પણ ભેગા મળી ને ખાવાનુ છે, ‘મામા” શરીરનુ દર્દ ભુલી ને આનન્દ માણે છે એ પ્રેરક બીના છે. ધન્યવાદ.
suresh.m sheth
04/11/2011 at 12:52 પી એમ(pm)
સ્વાગત અને આભાર, સુરેશભાઇ.
’મહત્વ ભજિયા નુ નથી પણ ભેગા મળી ને ખાવાનુ છે,’ — ખરી વાત.
SHAKIL MUNSHI
05/11/2011 at 6:51 પી એમ(pm)
Many papers still use cheap inks of high toxicity. Across the country, street vendors who sell “hot bajjis and pakodas” (fried with re-used oil) invariably wrap foodstuff in newspapers.
http://www.deccanchronicle.com/chennai/food-packed-old-papers-risky-864
Have a fun in Bhajiya party!
http://saralhindi.wordpress.com/
GUJARATPLUS
05/12/2011 at 2:31 એ એમ (am)